Archivo de la categoría: Vielha

Memòria colectiva

Cau auer començat a perder era memòria, encara que sonque sigue per moments, entà dar-se’n compde qu’aguesta memòria ei sò que constituís tota era nòsta vida. Ua vida sense memòria non serie vida. Era nòsta memòria ei era nòsta coheréncia, era nòsta rason, era nòsta accion, eth nòste sentiment. Sense era no èm arren”. Açò ac escriuec Luis Buñuel.

Mès ath delà dera individuau, i a tanben, era memòria colectiva. I a ua amnèsia que, a diferéncia dera inviduau, pòt non èster patologica, senon induïda e programada. Autant, es efectes non son mens importants e devastadors. Eth “nosati” d’ua colectivitat tanben se pòt pèrder quan se bòrren trams deth passat. En aqueth moment sonque demore un relat trincat“, paraules deth filòsof català Xavier Antich.

En Vielha e Mijaran enes darrers mesi mo’n auem dat compde. Quinsevolh persona, se hè ua uelhada entad darrèr e non a perdut era memòria o ben aguesta non ei trincada, valòre fòrça mès causes. Ac hè gràcies ara memòria. Se guarde mès enlà, era memòria alavetz ei un desir de tornar entad aqueri tempsi. Aguesta, (era memòria) ei induïda per valoracions mès prohondes que es superficialitats. Aguestes superficialitats, en definitiva, jamès formen part d’aguesta memòria que tant estimam e qu’a viatges tant trapam a faltar.

Era istòria, era lengua, es simbèus (tanben eth Patron deth pòble), es imatges, es recòrds, es viuences, eth progrés personau e colectiu e fòrça mès, formen part d’ua memòria colectiva e individuau que tostemp mos identifiquen coma pòble e coma País. Se renonciam a quauqui d’aguesti elementi, estam trincant part dera nòsta memòria. Ua memòria que beth dia mo’n sentiram orgolhosi de poder-la auer, de mantier-la e d’auer-la defensat en benefici de toti e totes.

Eth centre polític d’#Aran

A partir deth pròplèu mes d’octobre, CDA-PNA desapareisherà. Crearam u anaua organitzacion politica atractiva, innovadora, transformadora e colectiva. Non renonciaram ad aquerò qu’auem estat, non reconciaram ara òbra de trebalh hè-ta en Aran e non renonciaram ath progrés qu’a aufèrt CDA as ciutadans d’Aran e ath País pendents mès de vint ans. Mès, era societat mos exigís canvis, naues maneres de hèr, naui lideratges e respòstes mès accelerades.Auè Aran e es aranesi e araneses (toti es que viuem e trebalham en Aran) auem deuant nòste naues amenaces e naui reptes. Progrès entà toti e Identitat de toti, son un binòmi indissoluble se volem contonhar creant oportunitats entès mès petits, entara joenessa, entara creacion de trebalh e qualitat de vida e entara nòsta gent grana. Era identitat diferenciada qu’auem e era sua preservacion ei era soleta garantia entà que totes es amenaces que vedetz e reptes que estam diboishant non abolisquen es nòsti servicis públics (sanitat, servicis sociaus, patrimoni naturau, tradicions e d’auti) e era nòsta economia.

Guardetz era television, liegetz es diaris, escotetz era ràdio e arribaratz a ua conclosion màxima. Sonque i a dues opicions: 1) defenem çò qu’auem, enfortim era nòsta capacitat politica a trauers dera identitat aranesa e cream oportunitats (naui servicis públics, lòcsde trebalh, mès empreses, eca), ò, 2) obedint a populismes, verbalismes, autoritarismes, recentralisme e estatalisme qu’ei sò que vò hèr (PP, UNIDOS PODEMOS, PSOE, ADA COLAU  e CIUTADANS) e sonque anaram entà darrèr. Tu as era paraula!

IIau. Jornada de debat e reflexion “CDA daurís es pòrtes, Tu as era paraula”

I a ua nauetat remercabla, aguesta dusau enquèsta serà Dubèrta, presenciau e digital, e es participants poderàn veir es resultats en temps reau.

Convergéncia Democratica Aranesa celebrarà eth dia 25 d’abriu entàs 20 ores, era IIau. Jornada de Debat e Reflexion “CDA daurís es pòrtes, tu as era paraula”.

Ena Ia. Jornada hi participèren mès de 40 persones (militants, simpatizants e d’auti) que rampliren ua enquèsta e ara seguida i auec debats sectorials damb conclusions finaus.  Se prevé qu’eth resultat dera enquèsta atau coma des conclusions finaus dera prumèra Jornada se presenten en aguesta dusau.

Atau madeish, eth desvolopament dera dusau Jornada introdusirà nauetats en çò que tanh ara prumèra.  Es assistenti auràn de ramplir ua enquèsta (se redusís ara mitat dera prumèra) en clau CDA e eth projècte aranesiste.  Dempús se harà eth debat sectoriau o d’ambit, damb conclusions finaus.

Era principau nauetat d’aguesta dusau enquèsta respècte dera prumèra ei qu’aguesta serà dubèrta, ei a díder presenciau e digitau.  Toti es qu’ac desiren poderàn hèr era enquèsta damb era unica obligatorietat d’ua inscripcion personau e ua adrèça de corrèu electronic, era direccion deth partit li harà a arribar era enquèsta digitalment que poderà ramplir e retornar-la damb un “clic” des deth madeish corrèu electronic.  Es participants que ramplisques era enquèsta digitaument, poderàn veir es resultats dera madeisha, graficament e percentuau en temps reau un còp l’agen ramplida definitivament.  Aquerò òc, se manten er anonimat des persones e des responses des participants.

En paruales deth Secretaria Generau de CDA-PNA, Àlex Moga, “prevedem arribar en aguesta dusau fasa de Debat e Reflexion ath torn des 100 persones.  Potenciam era transparéncia deth procés de refondacion e haram ua radiografia fòrça mès precisa e reau de çò que pense era ciutadania e un detalh mès ampli dera vertadèra transformacion qu’a de besonh CDA e eth projècte aranesiste que volem representar”.