Convergéncia Aranesa daurís pòrtes, tu as era paraula!
Convergéncia Aranesa (CDA-PNA) da era paraula ara ciutadania entà renauir-se e, se cau, refondar-se. Eth pròplèu 14 de març entàs 19,00 ores totes aqueres persones qu’ac desiren pòden assistir ara I Jornada de Debat e Reflexion en que se vò parlar de tot (ena sedença de CDA-PNA). Pendent aguest 2016, CDA-PNA a de celebrar eth sòn IIIau Congrès Nacionau e le vò celebrar entà tornar a èster eth partit centrau d’Aran. Era jornada a ua prevision de durada de dues ores, dubèrta a tota era ciutadania qu’age bèra inquietud, idia, sugeréncia o prepausa. Aguesta serà era prumèra d’un CIcle de Jornades que, ara comencen e que finalitzaràn tamb es documents finaus que s’apròven en IIIau Congrès de CDA-PNA.
- Regeneracion politica
- Democràcia Intèrna
- Equilibri territoriau
- Era transparéncia
- organitzacion intèrna
- Etica e exemplaritat
Aguesti àmbits e d’auti se sotmeteràn ara consideracion deth debat, dera reflexion e dera participacion dera gent. De tot s’a de parlar e tot ei revisable. CDA-PNA daurís es pòrtes, tu as era paraula!!!
