Generic selectors
Exact matches only
Search in title
Search in content
Filter by Categories
aranesisme
Bitcoin
Blockchain
Ciberseguridad
Climate Change
Cooperación Global
Criptomonedas
Cuarta revolucion industrial
Datos abiertos
Ética
Gobierno Abierto
Individualizacion
Inteligencia Artificial
Metaverso
Open Education
opinión
Pensamiento
Regulación
Transformación Digital
Val d'Aran
Videos
Vielha

Alex Moga: “Des inundacions, er orgolh mès gran siguec evitar quinsevolh mau personau”

Legís eth text en catalan e en castelhan.

#Continuam Endeuant

Hè quate ans es vesins e vesies de Vielha e Mijaran dèren supòrt a un projècte que, ja alavetz, se considerèc ambiciós mès tanben ilosionant. En discurs d’investidura coma Alcalde hí ua mencion especiau ara situacion que viuiem en aqueth moment e per aquerò dejà anonciè qu’auríem de besonh préner decisions dificiles, ja que era conjuntura economica ère era que ère, mès les prenaríem sense perde de vista qu’era prioritat auie d’èster tostemp er interès generau e, sustot, es persones.

Ara a arribat eth moment de hèr balanç. Se guardi entà darrèr me’n dongui compde qu’auem agut de superar fòrça obstacles: i a agut moments fòrça dificiles e moments de contrarietats perquè a viatges era idoneïtat de beres ues des decisions qu’auem agut de préner non se corresponie tamb eth nòste gust. Mès creigui, modestament, qu’es decisions qu’auem pres an estat en general reaument positives tant entara ciutadania coma entara institucion que presidisqui. È era sensacion qu’auem dignificat eth nòm de Vielha e Mijaran, dempús de tempsi obscurs e delicadi, ja que auem dat eth torn ath cicle de baishada en que mos trapauem.

Auem plaçat ar Ajuntament coma exemple de bones practiques ena gestion publica, des 2,4M de euros de deute en 2011, auè ja non en demore arren, auem AlexMogasanejat er Ajuntament. È era conviccion, tanben, que gestionèrem eth fatídic  18 de junh de 2013 des inondacions tamb gran nòta – er orgolh mès gran evitar quinsevolh mau personau -, perquè era recuperacion posteriora siguec rapida, tanben cau díder que gràcies a fòrça gent. Era solidaritat non se pòt valorar. E coma ciutadans d’Aran (aranesi) dera desgràcia en hèrem ua virtut ja que invertirem ena melhora urbana, que a revertit ena promocion d’un torisme emergent e diferenciador, mès tanben a comportat ua melhora dera qualitat de vida de barris, pòbles e parçans deth municipi que èren descuedadi e de fòrça persones.

Era reduccion dera despena non prioritària mos a permès contunhar dant supòrt ar hilat associatiu deth municipi, tanben ar hilat empresariau per prumèr viatge, posicionar-mos toristicament e tanben potenciar-lo, entà hèr de Vielha un referent internacionau e, en collaboracion tamb eth Conselh Generau d’Aran, un pols d’atraccion toristica e de comerç.

De çò que me senti mès orgolhós ei que creigui que era gestion municipal s’a hèt entàs persones. Era bona gestion publica mos a permès que totes es estructures municipals invertissem enes persones e en sòn benèster. Tanben mos a permès ajudar a totes es EMD’s deth municipi entà portar a tèrme inverssions que eres madeishes an prioritzat. Jamès abantes s’auie artenhut.

Aguesti quate ans han estat intensi, mès mos demore fòrça trebalh per hèr. Se volem que Vielha (Vielha e Mijaran) sigue era capital d’Aran e un motor econòmic, auè dejà en ei, coma non s’auie vist en decades, cau continuar endeuant. Era recepta foncione e auè Vielha ei reconeishuda en quinsevolh lòc e ei vista coma un pòble actiu, dinàmic e generador de riquesa. E ac ei sense atemptar ara sostenibilitat deth miei naturau, que ei eth nòste gran patrimòni.

Eth 24 de mai, a mès de valorar eth trebalh hèt, tanben haram confidança a diuersi models de ciutat e gestion economica. Nosati, eth nòste equip, joen e tamb experiéncia, auem eth ferm compromís de continuar tà deuant entà liderar era recuperacion economica. Volem, tanben, hèr un pas entà deuant entà daurir-mos internacionaument a nivèu torístic e economic e promòir era creacion de projectes que, en crear riquesa e lòcs de trebalh, mos permete recuperar eth talent dera nòsta joenessa que auè encara marchen per manca d’oportunitats. Volem recuperar era nòsta joenessa e eth sòn talent.

Ara ei eth moment. Hèm era gent e auem er hilat associatiu e empresariau idòni e auem Ajuntament. Aguesti darrèrs quate ans mos an ensenhat que caminant amassa podem hèr de Vielha e Mijaran er espaci d’oportunitats que toti desiram. Ac hèm per nosati, pes que viuem auè en Vielha e Mijaran, mès tanben ac hèm, pes que vieràn darrèr nòste. Era politica a d’èster açò: un projecte de futur e un esturment de servici públic entàs persones, hè-ta tamb transparéncia e fòrça participacion entà compartir era illosion de víuer e d’aufrir oportunitats a tota era comunitat.

Alex Moga

La tecnología y su aplicación explicada para las personas y el liderazgo. Caminando hacia el METAVERSO

Deja un comentario

Volver arriba
A %d blogueros les gusta esto:
Ir a la barra de herramientas