Nau espaci polític en Aran

Alex Moga/ marzo 24, 2016/ aranesisme, Pensamiento, Val d'Aran, Vielha/ 0 comentarios

Convergéncia Democratica Aranesa (CDA-PNA) a començat eth camín dera sua renovacion, e se cau, refondacion. Non i a límits. Tot ei revisable. Sonque i a ua condicion, era defensa nacionau d’Aran e era sua gent.

Eth passat deluns, mès de quaranta persones comencèrem a trebalhar en dessenh deth nau espaci polític nacionau d’Aran. CDA a daurit es pòrtes de casa entà escotar, tu as era paraula.

Èm deuant de reptes qu’entath pòble aranès son majúsculs. Ei prioritari poder auer ua estructura politica modèrna, innovadora e transverssau que pogue dar respòsta ad aguesti reptes collectius e nacionaus.

Entà crear aguest nau espaci polític, auem premanit un cicle de jornades de debat e reflexion. Volem arténher era participacion deth maxim nombre de persones.

Dejà i a vesins e vesies que mos an hèt arribar prepauses deth nau “nòm” d’aguest moviment polític. Dempús d’aguesta fasa de debat e reflexion, vierà era fasa de decision, tanben dubèrta ara ciutadania e eth procès finalitzarà tamb era celebracion deth 3au Congrès Nacionau qu’auem previst que sigue entath mes d’octobre.

Era desconfidança dera gent ens institocions publiques e en sistema de partits actuau, es desafiaments qu’auem tant a nivèu personau coma collectiu e es canvis que vien tamb acceleracion, mos obliguen a naues formes de hèr politica. Mès democràcia intèrna, mès participacion, mès transparéncia, ua clara regeneracion politica, mès conexion tamb eth carrèr e mès interaccion tamb era gent son elements claus deth nau projècte polític nacionau aranesista. Volem escríuer ua huelha deth libre “aranesisme modèrn”.

Columna de reflexion personau “accionar o reaccionar” Diari Segre.

Compartir esta entrada

Acerca de Alex Moga

Conseguida la adaptación, ahora a por la "Transformación digital", blockchain, cloud, AI, IoT y ciberseguridad en el #MIT Trabajando en #OpenGovernment

Deja un comentario