Archivo de la etiqueta: C-28

PuigdeMountain

Eth President Puigdemont, en sonque dus mesi de mandat, a hèt dera politica en Catalonha e Aran ua naua contextualitzacion. Ua naua manera de hèr, naues formes d’expression e ua auta manera d’enténer eth present. Rebrembi qu’era sua prumèra visita coma President siguec Lleida, aguesta setmana a visitat eth Pirinèu. En aguesta visita auem descubèrt que apòste per equilibri territoriau. Anoncièc era creacion dera Direccion Generau de Montanha; presència constant, proximitat e respòstes inmediates. Se comprometèc a tramitar ua naua Lei de Montanha en Parlament, clau entà garantir era igualtat d’oportunitats e eth progrés entath Pirinèu e se’n portèc coma prioritari ajudar a Baqueira Beret ena sua politica d’expansion e melhora. Aguest ostiu e segontes anoncièc eth Conselhèr Josèp Rull s’iniciaràn es òbres de melhora dera C-28 des d’Aran enquiath Pallars Sobirà, valorades en mès de 8 millions d’èuros.

Puigdemont ei un apassionat deth coneishement transverssau, culturau e integrador. Aguest madeish ostiu, sense èster President visitec “Aran Park” en Portilhon (Bossòst), dinec en Les, dormic en Naut Aran e passegèc per Vielha tamb era família. Enes pròplèus setmanes l’auram en País. Coneish era cultura occitana, estime era llengua e cultura aranesa e defense es identitats e nacionalitats coma era nòsta.

Eth sòn únic objectiu ei conectar eth binòmi, persones-País. Trebalhe cada dia ena recèra der esturment bàsic que possibilite arténher-lo.